Væntanleg ferð: Klassískt safarí

Ferðin í hnotskurn

• Lagt af stað: 13. október '10
• Lengd: 15 dagar
• Land: Kenya
• Hápunktar: Safarí, sól, strönd og menning innfæddra
• Hámarks fjöldi í ferð: 24
• Lágmarks fjöldi í ferð: 10

Ógleymanleg ævíntýraferð til Kenya

Leiðarlýsing

Upplýsingar um daga og atburði ferðarinnar

Dagur: 1 - 13. okt.

Flug til Kenya:
Brottför frá Keflavík til London og áfram til Nairobi höfuðborgar Kenya með næturflugi.

Dagur: 2 - 14. okt.

Nairobi höfuðborg Kenya: ( K )
Lent í Nairobi snemma dags kl. 6:30 og ekið að hinu glæsilega Ole- Sereni hóteli sem er í u.þ.b. 10 mínútna aksturleið frá flugvellinum, staðsett í útjaðri Nairobi þjóðgarðsins. Þar dveljum við í tvær nætur. Þennan dag er tilvalið að slaka á eftir flugið og njóta aðbúnaðar á hótelinu og hver veit nema að hægt verði að koma auga á villt dýr frá þakgarði hótelsins. Kvöldmatur snæddur á Ole–Sereni.
Gist á Ole-Sereni í Nairobi.

Dagur: 3 - 15. okt.

Nairobi dagsferð: ( M / H / K )
Karen Blixen safnið – Munaðarlausir fílar – Gíraffaheimsókn – ABC heimilið – Carnivor villibráðarveitingastaður.

Þennan dag könnum við Nairobi og nánasta umhverfi. Meðal annars verður farið að fyrrverandi heimili Karenar Blixen og fræðst um hana. Einnig verður verndarsvæði fyrir gíraffa skoðað sama dag sem og Sheldricks "uppeldistöðina" fyrir foreldralausa fílskálfa. Heimsókn á ABC heimilið fyrir munaðrlaus börn í Nairobi. Um kvöldið förum við út að borða á einn frægasta veitingastað í Afríku, "Carnivores" sem sérhæfir sig í villibráð.
Gist á Ole-Sereni í Nairobi.

Dagur: 4 - 16. okt.

Nairobi - Masai Mara þjóðgarðurinn: ( M / H / K )
Snemma morguns, eftir ríkulegan morgunmat á Ole–Sereni, er haldið af stað í suðurátt að Masai Mara þjóðgarðinum. Leiðin liggur að hluta í gegnum svæði Masai fólksins sem enn lifir að miklu leyti eftir sínum gömlu hefðum. Í Masai Mara má finna flest öll dýr sem við tengjum við Afríku t.d. fíla, ljón, flóðhesta, gnýi, hlébarða ofl., ofl.
Gist verður á glæsilegum stað inni í þjóðgarðinum, Mara Simba Lodge.

Dagur: 5 - 17. okt.

Masai Mara þjóðgarðurinn - safarí: ( M / H / K )
Safaríferð um Masai Mara. Ekið um á bílum með þaki sem hægt er að lyfta upp til að ná góðum myndum. Engin orð geta lýst því hvernig það er að aka um sléttur Afríku og skoða villidýrin í sínu rétta umhverfi. Heimsókn í Masai þorp. Masai þjóðflokkurinn lifir eftir gömlum venjum og siðum og er einstaklega stoltur og flottur. Við munum fræðast um venjur þeirra og daglegt líf og einnig verður hægt að kaupa handverk þeirra beint af innfæddum.
Gist á Mara Simba Lodge.

Dagur: 6 - 18. okt.

Masai Mara þjóðgarðurinn – Diani ströndin: ( M / K )
Þeir sem vilja, halda af stað í loka safarí um morguninn og um hádegi er ekið að litlum malarflugvelli í hjarta garðsins þar sem að 20 mann vél bíður okkar og flýgur tæplega tveggja tíma leið beint að Diani ströndinni, sem er við hið kristaltæra Indlandshaf.
Gist verður á Indian Ocean Beach Resort,sérlega notalegu og smekklegu hóteli sem hefur hýst Íslendingahópa undnfarin ár

Dagur: 7 - 19. okt.

Diani ströndin: ( M / K )
Á Diani eru strendurnar enn þá eins og maður ímyndar sér að þær eigi að vera. Pálmatrén blakta í golunni og hrein ströndin tekur á móti tærum og volgum sjónum. "Túrisminn" hefur ekki enn þá hafið innreið sína inn í þessa paradís að neinu ráði sem gerir dvölina einstaka upplifun. Enn gefur að líta hefðbundnar skútur innfæddra, er þær sigla til dæmis til Zanzibar eða annar eyja með krydd og framandi varning. Hér gefst okkur tími til að slaka á og gleyma vestrænu stressi og áhyggjum. Allskyns skart og handunnin vara er til sölu í litlum strákofum við ströndina og tilvalið að prútta við sölumenn um kaup og kjör.
Gist á Indian Ocean Beach Resort.

Dagur: 8 - 20. okt.

Diani ströndin: ( M / K )
Það er reynsla margra að gott sé að slaka á í við ströndina í nokkra daga en það er líka nóg að gera ef að fólk vill. Það eru margir veitingastaðir við ströndina og um að gera að njóta alls þess sem þeir bjóða upp á. Einnig er gaman að prútta við innfædda og kaupa alls kyns skart og minjagripi.
Gist á Indian Ocean Beach Resort.

Dagur: 9 - 21. okt.

Diani ströndin eða skútursigling – dagsferð: ( M / K )
Siglt að kóralrifjum á hefðbundnum skútum þar sem er hægt að "snorkla" og skoða skrautfiska í sjónum við kóralrifið. Ef heppnin er með manni má sjá höfrunga leika sér í sjónum. Á heimleiðinni er komið við í hellum sem áður geymdu þræla. Athugið að skúturnar sem siglt er í eru hefðbundnar tréseglskútur byggðar eftir upprunalegri fyrirmynd skúta, sem sigldu milli Mombasa og Zanzibar með krydd og annan varning sem og þræla.
Ferðin kostar $110 og greiðist úti.
Gist á Indian Ocean Beach Resort.

Dagur: 10 - 22. okt.

Diani ströndin eða Kaya skógurinn - hálfsdagsferð: ( M / K )
Farið í létta gönguferð um upprunalegan regnskóg og fræðst um sögu fólksins sem þar bjó á árum áður. Í lok ferðar er hægt að kíkja í heimsókn í nærliggjandi þorp þar sem við fáum innsýn í daglegt líf fólks við ströndina.
Gist á Indian Ocean Beach Resort.

Dagur: 11. - 23. okt.

Diani ströndin: ( M / K )
Það er reynsla margra að gott sé að slaka á í við ströndina í nokkra daga en það er líka nóg að gera ef að fólk vill. Það eru margir veitingastaðir við ströndina og um að gera að njóta alls þess sem þeir bjóða upp á. Einnig er gaman að prútta við innfædda og kaupa alls kyns skart og minjagripi.
Gist á Indian Ocean Beach Resort.

Dagur: 12 - 24. okt.

Diani ströndin - Mombasa: ( M / K )
Ekið til hafnarborgarinnar Mombasa um hádegisbil. Við munum dvelja á hótelíbúðum á hinu vel staðsetta Tamarind Village. Íbúðirnar eru með 2 eða 3 herbergi (sér baðherbergi) en íbúar deila með sér rúmgóðri stofu og svölum er snúa út að Nyali sundinu. Um kvöldið þegar allir hafa skipt yfir í betri fötin og fengið sér fordrykk úti á svölum göngum við niður steintröppur og um borð í Tamarind skútuna sem mun sigla út á sund. Þar verður grillað sjávarfang um borð og snætt undir stjörnubjörtum afrískum himni á meðan tónlistarmenn leika af fingrum fram.
Gist á Tamarind Villages.

Dagur: 13 - 25. okt.

Mombasa/ Sérferð fyrir áhugasama - heilsdagsferð: ( M )
Eftir morgunverð verður hið forna virki Portúgala "Fort Jesus" skoðað og einnig gamli bærinn sem er með heillandi blöndu af arabískri/Swahili menningu. Í gamla bænum óma moskurnar og mannlífið er litrík og framandi blanda frá ólíkum menningarheimum. Að lokum er farið til Akamba verkstæðisins þar sem hægt er að gera góð kaup á handunnum trévörum.
Ferðin kostar $90 og greiðist úti.
Gist á Tamarind Villages.

Dagur: 14 - 26. okt.

Mombasa - Heimferð: ( M )
Síðdegis er ekið út að Mombassa flugvelli og flogið til Nairobi þar sem að tengiflug bíður okkar til London.

Dagur: 15 - 27. okt.

Mombasa - Heimferð:
Lent í London og flogið til Íslands.

Bóka ferðina á vef Vita ferða

Verð á mann m.v. tvo í herbergi:

594.700 kr.-* og 15.000 Vildarpunktar
*Verð án Vildarpunkta: 604.700 kr.-

Verð á mann m.v. einn í herbergi:

695.248 kr.-* og 15.000 Vildarpunktar
*Verð án Vildarpunkta: 685.249 kr.-

Innifalið / Ekki innifalið

Innifalið

• Flug til og frá Kenýa
• Flug frá Masai Mara að Diani ströndinni
• Gisting með morgunverði á hótel Ole-Serani í Nairóbí í 2 nætur, Mara Simba Lodge með fullu fæði í 2 nætur, Indian Ocean Beach Club með hálfu fæði í 7 nætur og Tamarind Village með morgunverði í 2 nætur.
• 1 kvöldverður í Nairobí og einn kvöldverður í Mombasa
• Fullt fæði frá 15. - 17.október ( í Masai Mara)
• Hálft fæði frá 18. - 24. október
• Morgunverður 25. - 26. október
• Safarí í Masai Mara
• Létt gönguferð um Kaya regnskóginn
• Innfæddir leiðsögumenn þegar þess þarf.
• Allar ferðir milli flugvalla og hótela
• Íslensk fararstjórn

Ekki innifalið

• Ferðatrygging, vegabréfsáritanir ($25, greitt á flugvelli í Nairobi), gos, áfengir drykkir
• Skútusigling: $110 greiðist úti
• Gamli bær Mombasa: $90 greiðist úti
• Annað, sem ekki er talið upp í ferðalýsingu.
• Lágmarksþáttaka í þessa ferð eru 10 manns og áskilur VITA sér rétt til að fella ferðina niður ef þátttaka næst ekki.

Nánari upplýsingar og myndir

• Nánar um Kenya
• Myndir frá Kenya