Rwenzori - fjallganga og safarí

Mt Stanley fjallið - mynd fengin hjá Rwenzori.com

Ferðin í hnotskurn

Lagt af stað: 08. febrúar '10
Lengd: 19 dagar
Land: Uganda
Hápunktar: Rwenzori fjöllin, Margherita tindurinn, safarí í Queen Elizabeth National park, trjáljón í Ishasha
Hámarks fjöldi í ferð: 15
Lágmarks fjöldi í ferð: 10

Ævintýraleg göngu- og safaríferð

Í aldaraðir hefur Afríka laðað til sín fólk í leit að ævintýrum sem ekki gefst færi á að upplifa annars staðar. Fáir staðir í heiminum eru jafn framandi og sveipaðir eins mikilli dulúð. Óvíða er dýralífið jafn fjölbreytt og mannlífið og menningin eins litrík.

Ferðin hefst á 8 daga fjallgöngu þar sem farið verður langt inn í regnskóg Rwenzorifjallanna sem eru á landamærum Uganda, Rwanda og Congo. Reynt verður við topp Margherita Peak, hæsta tind Uganda (5,109m).

Einnig verða helstu þjóðgarðar Uganda heimsóttir eins og Queen Elizabeth þjóðgarðurinn og farið í siglingu upp Kazinga sundið þar sem buffalar, fílar og flóðhestar svamla. Ishasha þjóðgarðinn heimsækjum við þar sem að ljónin hafast við í sterkbyggðum fíkjutrjánum, alveg ógleymanleg upplifun. Einnig förum við í léttar gönguferðir í leit að dýrum og meðal annars munum við reyna að finna simpansa. Ferðinni lýkur svo í bænum Jinja við upptök Nílar og geta þeir sem vilja farið í flúðasiglingu á Níl og fengið adrenalínsútrás!

Verð

Verð: USD 3,200 á mann í tvíbýli.

Sendu okkur fyrirspurn til að fá nánari upplýsingar um þessa ferð.

Leiðarlýsing

Dagur 1, 8. feb - Ferðadagur
Lagt af stað frá Íslandi áleiðis til Nairobi í Kenya.

Dagur 2, 9. feb - Ferðadagur
Lent verður í Nairobi snemma morguns. Við förum með flugi frá Nairobi og lendum í Entebbe í Uganda. Eftir langt flug verður gott að koma upp á gistiheimilið og safna kröftum fyrir gönguna. H+K

Dagur 3, 10. feb - Ferðadagur - Upphafsstaður göngu
Við leggjum eldsnemma af stað til Kasese sem er í nánd við þjóðgarðshlið Rwenzorifjallanna. Gist verður á Margherita Hotel. Keyrsla til Kasese u.þ.b. 7 tímar. M+H+K

Dagur 4, 11. feb - Rwenzorifjöllin – Nyabitaba búðir
Eftir morgunverð er keyrt að þjóðgarðshliði Rwenzorifjallana, Nyakaleija þar sem gangan hefst. Þar munuð þið hitta leiðsögu- og burðarmenn á fjallið og þar eruð þið skráð inn í þjóðgarðinn. Í byrjun göngunnar verður gengið í gegnum kaffiekrur. Eftir að þið hafið farið yfir Mahoma ána þarf að klífa bratta, skógi vaxna hlíð alveg upp á brún þar sem verðlaunin eru fallegt útsýni yfir Portal tindana til Nyabitaba búðanna þar sem gist verður fyrstu nóttina (2500m hæð, 4-5 tíma ganga). M+H+K

Dagur 5, 12. feb - Rwenzorifjöllin – John Matte búðir
Gengið niður að Mubuku og Bujuku ánum. Gengið upp að John Matte búðum. (3200m, 4-5 tíma ganga). M+H+K

Dagur 6, 13. feb - Rwenzorifjöllin – Bujuku búðir
Gengið í fallegu umhverfi meðfram Bigo mýrum sem leiða okkur að Bigo búðum. Farið er yfir plankabrú á efri Bigo mýrum. Eftir það tekur við mun brattari kafli þar sem lokatakmark dagsins er Bujuku vatnið. Ef við erum heppin þá fáum við að sjá ótrúlega fallegt útsýni yfir Stanley sléttuna. Gist í Bujuku búðum sem er í um 20 mín göngufæri frá Bujuku vatni. (4000m hæð, 4 tíma ganga). M+H+K

Dagur 7, 14. feb - Rwenzorifjöllin – Elena búðir
Gengið að Elena búðum sem staðsettar eru fyrir neðan Stanley sléttuna. M+H+K

Dagur 8, 15. feb - Rwenzorifjöllin – Margherita tindurinn - Kitandra vatn
Þennan dag skiptir máli að vera snemma á ferð til að eiga sem bestu möguleika á góðu útsýni yfir Stanley ísbreiðuna, og líka má upplifa stórfenglegt útsýni yfir regnskóginn að Congo fljóti. Eftir hádegisverð er farið niður að Kitandra vatni þar sem gist verður. Staðsetning þessara búða má með sanni segja að bjóði upp á mikilfengnasta útsýnið í Rwenzorifjöllunum þar sem vestari hlið af Baker fjalls gnæfir. (4000-5109m hæð, 8-10 tíma ganga). M+H+K

Dagur 9, 16. feb - Rwenzorifjöllin – Guy Yeoman búðir
Þennan dag verður gengið upp brattann að Fresh Field Pass, í Mobuku dalnum þar sem furðuplöntur vaxa í hrjóstrugum jarðveginum (4280m hæð). Mobuku dalurinn er afar fallegur og þar er að finna Kabamba fossana sem og útsýni yfir Baker fjall. Þaðan er gengið niður að Guy Yeoman búðum þar sem gist verður (3500m hæð). M+H+K

Dagur 10, 17. feb - Rwenzorifjöllin – Margherita búðir
Síðasta dag leiðangursins förum við frá Guy Yeoman í gegnum blautan mýrarskóginn niður nokkra bratta hryggi að Kichuchu klettum (sem þýðir „rykugi staðurinn“). Leiðin sem farin verður er á köflum mjög brött og sleip. Þarna er eini staðurinn á leiðinni sem er sérstaklega varhugaverður og reynir á taugarnar. Á þessum stað göngugötunnar verður á vegi okkar beljandi á sem æðir áfram á sleipu hrjóstrugu yfirborði. Nýlega hefur verið settur stuðningur í formi trjástiga til að auðvelda fólki yfirferð. Komið til Nyakalegija og gist í Nyabitaba búðum. M+H+K

Dagur 11, 18. feb - Rwenzorifjöllin – Nyabitaba búðir
Farið frá Nyabitaba búðum til Kasese í langþráða, heita sturtu. Gist verður á Margherita Hotel. M+H+K

Dagur 12, 19. feb - Safarí - Mweya
Dagurinn tekin rólega fram eftir en síðan er ekið til Queen Elisabeth National Park (QE) þar sem við hittum annan hóp sem slæst í för með okkur. Eftir hádegi er farið í safaríferð til að skoða dýr. Í QE er mesti fjöldi fuglategunda í Afríku eða u.þ.b. 650 tegundir. Gist í tjöldum á tjaldstæði. M+H+K

Dagur 13, 20. feb - Safarí, Mweya
Dagurinn tekin snemma og eftir léttan morgunverð verður lagt af stað í safarí, síðan er ekið að Kyambura gígnum þar sem áhugasömum gefst kostur á að fara í gönguferð um skóginn í leit að fjarskyldum ættingjum okkar, simpönsum sem eru heillandi skepnur. Þeir sem ekki hafa áhuga á simpansaleiðangri geta farið í gönguferð um svæðið eða hvílt sig með góða bók. Eftir hádegi verður farið í siglingu um Kazinga sundið þar
sem að við megum eiga von á að sjá flóðhesta, buffalo og fíla á svamli. Gist í tjöldum á tjaldstæði. M+H+K

Dagur 14, 21. feb - Safarí -Ishasha
Eftir morgunverð verður farið í morgunsafarí þar sem við getum átt von á að sjá flest þau villtu dýr sem að við tengjum við Afríku s.s. fíla, hlébarða, buffala og fleiri dýr. Áfangastaður dagsins er Ishasha þjóðgarðurinn sem þekktur er fyrir það að ljónin hvíla sig í fíkjutrjám. Það er ógleymanleg sjón að sjá þetta stóra kattardýr liggja letilega yfir trjágrein með loppurnar dinglandi niður. Gist í tjöldum á tjaldstæði nálægt fallegri á. M+H+K

U.þ.b. 4 tíma akstur

Dagur 15, 22. feb - Safarí – Lake Mburu
Eftir morgunverð er keyrt til Lake Mburu. Ekið er yfir miðbaug þar sem við stöldrum við og fáum kaffi. Við Mburu vatnið verður farið í safarí og þar eru að finna hinar fallegu antilópur Ugandan Kob sem bara eru í Uganda. Fyrir áhugasama er hægt að fara á hestbak eða á fjórhjól. Þegar til Lake Mburu er komið verður dvalið á fallegum stað við vatnið. M+H+K

Dagur 16, 23. feb - Jinja
Þennan dag er hægt að byrja með því að fara í göngusafarí með vopnuðum þjóðgarsverði. Það er ótrúleg tilfinning að sjá dýrin út frá því sjónarhorni. Síðar um daginn verður keyrt til Jinja sem er við upptök Nílar, komið verður þangað seinni part dags eða snemma kvölds. Hér geta áhugasamir ákveðið hvort að þeir vilji sigla niður þessar hrikalegu flúðir á gúmmíbát næsta dag!! Gist á The Nile Porch. M+H+K

Dagur 17, 24. feb - Jinja, flúðasigling
Heilsdagsferð (fyrir þá sem vilja) á gúmmíbát á Níl. Þetta eru flúðir á skalanum 5 sem er það mest sem gerist án þess að teljast ófært. Það verður stoppað í hádeginu til að borða léttan hádegisverð og síðan er haldið áfram niður ána. Þegar á leiðarenda er komið verður grillað og adrenalínið látið setjast. Þeir sem ekki fara í flúðasiglinu geta farið með leiðsögn um bæinn í kring og skoðað sjálfboðaliðastarfsemi SoftPower sem unnin er á þessu svæði. Gist á The Nile Porch. M+H+K

Dagur 18, 25. feb - Ferðadagur
Síðasti dagur ferðar. Frjáls dagur. Þennan dag er t.d. hægt að fara inn í Entebbe og skoða markaði og daglegt líf fólks eða heimsækja verndargarð sem þar er fyrir villt dýr. Flogið er frá Entebbe og lent í Nairobi. Frá Nairobi er svo haldið áleiðis til London.

Dagur 19, 26. feb - Ferðadagur
London-Ísland

Innifalið / Ekki innifalið