Kilimanjaro og Tarangire

Ferðin í hnotskurn

Lagt af stað: 15. september '11
Lengd: 13 dagar
Land: Tanzanía
Hápunktar: Fjallganga og safarí

Ganga á Kilimanjaro og safarí í Tarangire þjóðgarðinum

Ferðin hefst á sex daga fjallgöngu á Kilimanjaro, hæsta fjall í Afríku (5895m). Leiðin sem farin verður heitir Rongai. Gist er í tjöldum alla leiðina. Rongai leiðin er mjög skemmtileg og eru möguleikar á að sjá villt dýr á leiðinni upp. Einnig er aðkoma að Uhuru tindi (Frelsistindi) mjög góð.

Eftir leiðangurinn á „Kili” er stefnan tekin á Tarangire þjóðgarðinn í tveggja daga safaríferð. Í safaríferðinni verður ferðast um hið fallega landslag Afríku á jeppum með þakið uppi. Hér má eiga von á að rekast á margar þær dýrategundir sem eru táknrænar fyrir Afríku eins og t.d. fíla, zebrahesta, gíraffa, ljón, flóðhesta, antílópur og fjölda tegunda fugla, allt í sínu náttúrulega umhverfi

Fararstjóri er Gísli Þráinsson

ATH: Flug er ekki innifalið í verði.

Verð

Verð: USD 3,275 á mann í tvíbýli.
Aukagjald fyrir einbýli USD 680.

Sendu okkur fyrirspurn til að fá nánari upplýsingar um þessa ferð.

Fyrir nánari upplýsingar getið þið smellt á tenglana hér fyrir neðan:

Leiðarlýsing

Upplýsingar um daga og skipulag ferðarinnar

Dagur 1. - 15. sept. - Ferðadagur:

Flogið frá Íslandi kl.7,40 FI - London Heathrow kl. 11,45. Flogið frá London til Nairobi kl. 20, Kenya Air KQ101 (athugið að þetta er flug fararstjórans og notað til viðmiðunar)

Dagur 2. - 16. sept - Tanzania-Moshi - Upphaf ferðar:

Lent kl. 6,30 í Nairobi. Flogið til Kilimanjaro flugvallar kl. 10,45 KQ6722. Lent á Kilimanjaro flugvelli kl. 11,45. Farþegar verða sóttir út á flugvöll og farið með þá á Ameg Lodge sem er á kyrrlátum stað í Moshi. Þennan dag er slakað á eftir flugið.
( K )

Dagur 3. - 17. sept - Hvíldardagur:

Hvíldardagur í Moshi. Um kvöldið er farið yfir leiðangurinn ásamt innfæddum leiðangursstjóra. Gist verður á AMEG Lodge.
( M / H / K )

Dagur 4. - 18. sept - Nalemoru (1950m) að Simba búðunum (2600m), 7km:

Þennan dag hefst gangan á fjallið. Keyrt er frá Moshi að Nalemoru. Gengið er í gegnum þéttan regnskóg og gresjur að Simba búðunum sem eru í 2600m hæð. Á leiðinni má oft sjá apa og önnur skógardýr. Gist í tjöldum.
( M / H / K )

Dagur 5. - 19. sept - Simba búðir (2600m) að Third Cave (3850m), 6km:

Nú þegar farið er yfir 3000m hæð hægist aðeins á göngunni. Fyrri hluta dags er gengið yfir gresjur og oft má sjá villt dýr á leiðinni. Seinni hluta dags er gengið um hrjóstrugra landslag að hinum svokallaða Third Cave (Þriðja helli). Gist í tjöldum.
( M / H / K )

Dagur 6. - 20. sept - Third Cave (3850m)

Í Third Cave er ráðlegt að dvelja eina auka nótt fyrir hæðaraðlögun og er gott að fara í stutta göngutúra út frá búðunum. Gist í tjöldum.
( M / H / K )

Dagur 7. - 21. sept - Third Cave (3850m) að School Hut (4750m), 4km:

Gangan verður erfiðari eftir því sem hæðin eykst. Eftir hádegi ættu allir að vera komnir að School Hut, 4750m og líklegt er að flestir hafi hægt um sig í þessari miklu hæð. Gist í tjöldum.
( M / H / K )

Dagur 8. - 22. sept - School Hut (4750m) - UHURU tindur (5895m) - Horombo Hut (3700m), 19km:

Rétt eftir miðnætti er lagt af stað til að takast á við lokaáfanga göngunnar. Gengið upp bratta hlíð að Gilman's Point. Þeir sem hafa orku til, ganga í aðra 2,5 - 3 tíma að Uhuru tindinum (5895m). Það er erfiðisins virði því þegar tindinum er náð og horft er yfir hinar víðfeðmu sléttur Austur Afríku er hægt að sjá með berum augum að jörðin er kúpt! Að sjá sólarupprásina ofan af tindinum er ógleymanleg lífsreynsla. Ofan af tindinum er gengið rösklega alla leið niður að Horombo Hut. Gist í tjöldum.
( M / H / K )

Dagur 9. - 23. sept - Horombo Hut (3700m) að Marangu Gate (1980m), 18km:

Lagt af stað frá Horombo Hut og komið til Marangu Gate og þaðan er keyrt til Moshi. Hér er hægt er að fara í langþráða sturtu og skella sér í „betri” fötin fyrir kvöldmatinn. Athugið að „betri föt” þýða einfaldlega þægileg föt sem ekki eru búin að vera á margra daga slarki á hæsta fjalli Afríku! Gist verður á AMEG Lodge.
( M / H / K )

Dagur 10. - 24. sept - Tarangire þjóðgarðurinn - safarí:

Þennan morgun er vaknað snemma og eftir morgunverð er lagt af stað í safaríferð. Keyrt verður að Tarangire þjóðgarðinum. Gist á Tarangire Safari Lodge.
( M / H / K )

Dagur 11. - 25. sept - Tarangire þjóðgarðurinn - safarí:

Haldið verður af stað við sólarupprás á fjórhjóladrifnum jeppum. Það er ólýsanleg tilfinning að aka um sléttur Afríku og sjá flest þau dýr sem við þekkjum þaðan reika um villt. Miklar líkur eru á að sjá fíla, gíraffa, zebra og mörg, mörf fleiri dýr.
( M / H / K )

Dagur 12. - 26.sept - Ferðadagur:

Haldið frá Kilimanjaro flugvelli. Flogið kl. 19:40 KQ6725 til Nairobi, lent þar kl. 20:40. Flogið frá Nairobi kl.23:45 KQ102 til London.

Dagur 13. - 27.sept - Ferðadagur:

Lent í London kl.6:45.

Innifalið / Ekki innifalið

Innifalið

Íslensk fararstjórn
Innfæddur enskumælandi leiðsögumenn
Matur (sjá lýsingu)
Klifurgjöld
Þjóðgarðsgjöld
Kokkur
Burðarmenn

Ekki innifalið

Flug
Ferðatrygging
Vegabréfsáritanir
Gos og áfengir drykkir
Þjórfé - Ráðlegt er að borga ca $100 til leiðangursstjórans á Kilimanjaro þegar niður er komið. Einnig er við hæfi að gefa leiðsögumanninum í Tarangire þjórfé.