Pistlar

Á landamærum Uganda og Congo er fjallgarður sem heitir Rwenzori (Rúvensorí) og þangað hefur mig langað um árabil eða síðan að ég las um þetta svæði í ferðabók. Reyndar eru margir sem tengja Rwenzori við fjallagórillur sem hafast við í Rwenzori fjöllunum en það svæði er töluvert sunnar og þangað hef ég margoft komið. Svæðið sem hér um ræðir er fáfarið enda erfitt yfirferðar og ekki nema rúmlega 2000 ferðamenn á ári sem leggja á sig að ganga þarna um.