Einkaferðir til Afríku

Langar þig til Afríku í góðra vina hópi? Viltu fara með fjölskyldunni eingöngu? Viltu fara á eigin vegum?

Í einkaferðum (sérferðum) er oft farið á sömu slóðir og í föstu ferðunum en munurinn er sá að í einkaferðum þá geta t.d. fjölskyldur eða vinahópar bókað ferð eingöngu fyrir sig bæði með eða án íslenskra fararstjóra. Þá getur þú valið nákvæmlega hvernig aðbúnað þú vilt, hvaða áfangastaði þú heimsækir og hvaða leið er farin. Hvort sem það eru fjallagórillur í frumskógum Rwanda sem heilla eða úlfaldaferð í Norður Kenya með Samburu mönnum þá höfum við farið í slíkar ferðir og getum skipulagt þær fyrir þig og þína.

Sendu okkur fyrirspurn eða hringdu í okkur og við munum búa til einstaka ferð fyrir þig og þína um Austur Afríku.

Við getum skipulagt ferð fyrir þig og þína um alla Austur Afríku
Fararstjórn er eftir þínu höfði þ.e. ferðir geta verið með íslenskri fararstjórn, innlendri fararstjórn með eða án bílstjóra o.s.frv.
Við höfum m.a. skipulagt ferðir fyrir saumaklúbba, fjölskyldur, gönguhópa, vinahópa, vinnustaðahópa o.fl.
Fjöldi fólks í einkaferð er breytilegur en í fjölmennari ferðum (t.d. 10-15) er yfirleitt mælt með íslenskum fararstjóra
Við leigjum út fjórhjóladrifinn Land Cruiser með bílstjóra fyrir t.d. fjölskyldu eða lítinn hóp

Dæmi um ferðir sem hafa verið farnar sem einkaferðir:

Vinahópur í safaríferð til Tanzaníu

16 dagar

Að vera í góðra vina hópi í Afríku er eitthvað sem gleymist aldrei. Góður félagsskapur, stórbrotin náttúra, menning, dýralíf og gott loftslag hjálpar allt til við að gera ferðirnar að ógleymanlegri lífsreynslu. Við höfum skipulagt ferðir fyrir stóra sem smáa vinahópa, allt frá 2 upp í 25.

Vinahópur í safaríferð til Tanzaníu: nánar

Kilimanjaro

8 dagar

Hefur þig alltaf dreymt um að fara á topp Kilimanjaro? Nú er tækifærið. Það er fátt skemmtilegra en að fara í góðra vina hópi á hæsta fjall Afríku. Við mælum svo með því að fara í safarí á eftir, þaðan sem maður getur dáðst að fjallinu úr fjarska eftir á!

Kilimanjaro: nánar

Mt. Meru

8 dagar

Mt. Meru í Tanzaníu er stundum kallað Kilimanjaro án ferðamanna og hæðarveiki. Í stuttu máli er auðvelt fyrir alla að ganga á fjallið og mun minni umferð er af fólki í hlíðunum. Fyrir þá sem vilja rólega göngu í ótrúlega fallegu umhverfi ættu að prófa Mt. Meru.

Mt. Meru: nánar

Rómantísk ferð til Tanzaníu

16 dagar

Við höfum skipulagt fjölmargar brúðkaupsferðir um Afríku enda hefur álfan alltaf verið sveipuð rómantískri dulúð. Að keyra í mistri morgunsólarinnar, hlusta á trumbuslátt í þorpunum, liggja við tært Indlandshafið í sólsetrinu með drykk í hönd gerir Afríku að paradís fyrir fólk sem vill njóta þess að vera til. Við mælum með ferð til Afríku fyrir ástfangin pör á öllum aldri.

Rómantísk ferð til Tanzaníu: nánar

Gisting í heimahúsi

10 dagar

Langar þig að prófa eitthvað allt öðruvísi? Viltu vita hvað fólkið í Kenya borðar? Viltu spjalla við heimilisfólk um daglegt líf? Viltu eyða tíma með innfæddum og gista heima hjá þeim? Við bjóðum upp á þennan spennandi möguleika þar sem heimafólkið tekur vel á móti þér enda eru Kenyabúar þekktir fyrir mikla gestrisni.

Gisting í heimahúsi: nánar

Mt. Kenya

16 dagar

Mt. Kenya er kannski ekki eins þekkt og Kilimanjaro en engu að síður er afar skemmtilegt að ganga það. Kenya er einstök náttúruparadís og við mælum með því að heimsækja t.d. Masai Mara eða Tsavo þjóðgarðana og taka svo góða slökun við ströndina í lokin.

Mt. Kenya: nánar